ឈឹម ស៊ីថរ៖ «ខ្ញុំជាប់គុក» នៅពេលទាមទារឲ្យក្រុមហ៊ុនគោរពសិទ្ធិកម្មករនិងសហជីព
រូបឯកសារ៖ កញ្ញា ឈឹម ស៊ីថរ ប្រធានសហជីពប្រចាំក្រុមហ៊ុនណាហ្គាវើលដ៍ ថ្លែងក្នុងពេលកូដកម្ម នៅរាជធានីភ្នំពេញ កាលពីថ្ងៃទី ២៩ ខែធ្នូ ឆ្នាំ ២០២១។ Photo: Reuters
ភ្នំពេញ — ស្រ្តីមាឌតូចល្អិត អាយុ ៣៦ ឆ្នាំ ដែលតែងកាន់មេក្រូឈរស្រែកតវ៉ានៅខាងមុខក្រុមហ៊ុនណាហ្គាវើលដ៍ទាមទារឲ្យក្រុមហ៊ុនគោរពសិទ្ធិការងារ គឺកញ្ញា ឈឹម ស៊ីថរ ត្រូវបានអាជ្ញាធរជាច្រើននាក់ព្រួតគ្នាចាប់ឃាត់ខ្លួនកាលពីរសៀល ថ្ងៃទី ៤ ខែមករា ឆ្នាំ២ ០២២ នៅខាងមុខស្ថានទូតអូស្ត្រាលី ជិតរដ្ឋសភាជាតិ។
ស៊ីថរ គឺជាប្រធានសហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនណាហ្គាវើលដ៍។ នាងត្រូវបានបញ្ជូនទៅតុលាការពីបទ «ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម» បន្ទាប់ពីនាងបានដឹកនាំការធ្វើកូដកម្មអស់រយៈពេលជាងពីរសប្តាហ៍ ទាមទារឲ្យក្រុមហ៊ុននេះទទួលយកបុគ្គលិកជាច្រើនរយនាក់ដែលត្រូវបានបណ្តេញចេញទាំងបង្ខំឲ្យចូលធ្វើការវិញនិងផ្តល់អត្ថប្រយោជន៍ផ្សេងទៀតដល់បុគ្គលិក។
នេះមិនមែនជាលើកទី ១ ទេដែល ស៊ីថរ ត្រូវបានចាប់ខ្លួនដោយសារការទាមទារសិទ្ធិ និងអត្ថប្រយោជន៍ឲ្យបុគ្គលិក។ ជារឿយៗ នាងតែងត្រូវបានក្រុមហ៊ុនបញ្ឈប់ពីការងារ និងត្រូវបានអាជ្ញាធរឃាត់ខ្លួន ដោយសារការដឹកនាំធ្វើកូដកម្ម។ នៅមុនពេលមានការចាប់ខ្លួន ស៊ីថរ បានថតរូបដោយដៃមានកាន់ក្រដាសមួយសន្លឹកសរសេរថា៖ «ខ្ញុំជាប់គុក ដោយសារទាមទារឲ្យណាហ្គាគោរពសិទ្ធិសហជីព»។
When meeting her in early Dec, she mentioned that her union decided to go on strike to demand proper solutions for labor disputes & she expected the arrest, yet she would not be afraid to stand up for her members’ rights. She & her members shall not be accused & arrested at all.
Comments
Post a Comment